Sobre carpinteiros, construtores e alcaldes

Estimador Sr. Fernández:

Marcha vostede polos cerros de Úbeda cando di na Ser que o 26% da súa carpintería figura no rexistro de bens do Concello, e sen actividade nos dous últimos anos. Nós o que quixemos dicirlles aos amienses é que os seus socios na carpintería teñen, pola súa parte, unha promotora inmobiliaria que, na actualidade, está a edificar unha morea de pisos no Milladoiro. Nada máis e nada menos. A nós non nos parece moi ortodoxo, e menos cando o seu Partido Socialista e o sr. Touriño pregoan que acabarán cos alcaldes-construtores. Sería mellor que seguise coa carpintería activa e cos seus traballadores. Moito mellor que o feito de que socios seus recentes (e "amigos", dito por vostede na radio) constrúan en Ames, hoxendía, por valor de centos de millóns das antigas pesetas. Digo eu.