20.5.11

Agardando o momento


Hoxe rematan para o Partido Popular de Ames catro anos de traballo na oposición. Foron catro anos nos que nos esforzamos por traballar pensando sempre no interese dos veciños e as veciñas de Ames. Catro anos nos que tivemos acertos, e tamén erros, porque todos somos humanos. Pero ante todo, hoxe remata unha etapa de constancia e traballo na nosa labor política.
Dende que me interesei pola política a miña obsesión foi sempre facer algo polos demais, polas persoas que máis o necesitan. Nesta etapa na oposición a principal motivación que tiven foi a miña paixón por Ames, por este concello no que vivo e no que formei unha familia, moveume a paixón por esta terra que tantos recordos me trae e na que vivín o mellor da miña vida e moveume a idea de facer máis por Ames.
Non tódolos políticos somos iguais, non tódalas persoas somos iguais e eu creo que o Partido Popular de Ames merece unha oportunidade para demostrar que as cousas se poden facer mellor. Hoxe rematan catro anos nos que o noso motor foi a esperanza de poder facer máis polos veciños e veciñas de Ames.
Fai algo máis de quince días comezaba a campaña electoral, eran as últimas liñas dun gran capítulo, e hoxe chegamos ó punto final. O que máis desexamos o meu equipo e máis eu é ser a primeira letra dunha nova historia. E precisamente a ese equipo que me acompañou nestes anos e nestes últimos días nos que nos esforzamos o máximo posible por transladalle o noso proxecto e as nosas propostas a todo o mundo, quero agradecerlle a súa labor.
Grazas a todos polo voso traballo e polo voso apoio.
Agora só queda esperar, por diante temos unha xornada de reflexión na que espero que, polo menos, todo o mundo decida ir a votar. Simplemente pido que vaian a votar, temos un dereito polo que moitos loitaron no pasado, temos unha democracia e o dereito de elixir ós nosos representantes. É certo que dende a clase política temos que reflexionar e corrixir o que estamos facendo mal, pero o do voto e un dereito fundamental que todos debemos aproveitar.
Pola miña parte, se gaño as eleccións este domingo, o primeiro que farei será sair á rúa e dar as grazas, logo, poreime a traballar xunto ós meus compañeiros, xunto a persoas de inmellorable valía profesional e persoal por e para todos vós.

2 comentarios:

MARIAN dijo...

Ante todo, enhorabuena por los resultados de las elecciones.
Como vecina de Ames, sólo deseo que realices una buena gestión y, sobre todo, que el nuevo equipo de gobierno realice una buena política social, pensando en los ciudadanos que tanto necesitamos las medidas de conciliación laboral....

MARIAN dijo...

Ante todo, enhorabuena por el resultado electoral.
Como vecina de Ames, sólo deseo que este nueve equipo haga un buena gestión y se realice una adecuada politica social, tal y como hasta la fecha se ha venido relizando, facilitando la conciliación laboral, que tanta falta nos hace.