19.4.07

Axudádeme a percorrer os poucos metros que nos quedan ata a Alcaldía



Outro día emotivo e entrañable. Aínda que nos fixo esperar un pouco, pola saturación do tráfico, Alfonso Rueda chegou e nos acompañou a todos. Certo que manteño unha relación franca e cercana co secretario xeral do PP de Galicia, circunstancia que me dá seguridade, ademais de facilitarnos todo o que pode aos populares amienses. Xa o creo. Había unha morea de boa xente que ateigaba o magnífico local, que conseguimos para sede grazas a Emilio, Andrés e Ernesto. Xa vedes nas fotos que é estupendo e, sobre todo, cunha ubicación inmellorable. Logo de tres breves discursos (de Moncho Argibay, Alfonso Rueda e eu mesmo), tomamos fóra unhas aguas e un aperitivo. Tamén estivo con nós Ricardo García Borregón, do grupo municipal santiagués.

Alfonso falou de Ames como un concello tipo, porque combina os asentamentos de poboación tradicionais cos novos veciños urbanos. Un concello, dixo, xove e dinámico nunha área metropolitana. Por eso, "seremos moitos os que o 27 de maio, ás dez da noite, miremos os resultados de Ames; porque se gañamos ben en Ames, gañaremos en moitos outros sitios", concluíu. Menudo órdago, pensei. Pero eu, o noso equipo, os nosos militantes e simpatizantes e os nosos conveciños faremos que sexa unha realidade. Por iso dixen alí que os metros que nos separan do Casa do Concello son tan poucos como os votos que nos distancian da maioría absoluta: "Axúdademe a percorrelos para que teñamos un Alcalde Popular". Ese é o reto, e imos a por todas. Grazas anticipadas. Conto con vós.

No hay comentarios: